تحدث عن كواليس مسلسل اللعبة، وعلاقته بـ أحمد فهمي وشيكو، كما كشف عن رغبته في تقديم جزء ثان من برنامج الفرنجة.
وقال هشام خلال حواره بـ بودكاست بتاع أفلام، الذي يقدمه أحمد كمال على يوتيوب : افتقدت في فيلم حامل اللقب، لأنه بيفهمني جدًا وبرتاح في التمثيل معاه، واللي صبرني إننا دايمًا مع بعض في أفلامنا.
وتابع: في فيلم ورقة شفرة كنت هعمل دور فهمي وهو يعمل دوري، وفي بنات العم، كان رافض يعمل دوره في البداية بسبب ظهوره كراقصة، ولكنه اقتنع في النهاية وحقق دوره نجاحًا كبيرًا.
وأضاف : ورقة شفرة كان فاتحة خير في مشواري وسمير وشهير وبهير أكتر فيلم الناس بتحبه ليا أنا وشيكو وأحمد فهمي، واستكمل : كتبت أنا وفهمي فيلم بوشكاش وإحنا بناكل سمك وجمبري، وبعتبر أستاذي، ودخلت فيلم بوحة 3 مرات.
وتحدث هشام عن علاقته بـ أحمد مكي، قائلًا : أحمد مكي من أنضف وأجدع الشخصيات اللي قابلتها وهو من الشخصيات اللي دايما بتوحشنا عشان بيغيب عننا، ونفسي أشتغل معاه تاني، وفيلمه الحاسة السابعة لو نزل دلوقتي هيكسر الدنيا.
وعبر عن حبه الشديد لـ دنيا سمير غانم، خاصة أن هناك كيمياء تجمعهم سويًا، قائلًا : أكثر فنانة بحب أشتغل معاها، أما سمير غانم فبعتبره أسطورة، وهو أول واحد دعمنا في بداياتنا، وسعيد إن آخر مشهد له في السينما كنت معاه فيه.
أما عن أقرب المخرجين لقلبه، قال: معتز التوني وأحمد الجندي أشطر مخرجين في منطقة الكوميديا، وبستمتع بالشغل معاهم واللوكيشن بتاعهم بيكون هادي، وبحب كمان شغل خالد ووليد الحلفاوي.
وتطرق خلال حديثه عن تجربة برنامج الفرنجة، قائلًا : أمتع تجربة صورتها في حياتي، والتصوير كان سهل ولفينا بلاد جديدة كتير وعشنا مغامرات جديدة، وقدمنا 28 حلقة، وصورناهم في سنتين.
وأردف: نفسي نقدم جزء ثان من الفرنجة، ولكن الموضوع بقا صعب بسبب أزمة الدولار، وأنا وشيكو وأحمد فهمي مش بنشتغل سوا، وكمان منتجي البرنامج مبقوش بيشتغلوا مع بعض، ولكني بدعوهم كلهم عشان نعمل جزء تاني.
وعن الأعمال الجديدة التي يحضر لها في الفترة المقبلة، وهل سيقدمون جزء خامس من مسلسل اللعبة، قال هشام : لسه مش عارفين هنعمل جزء جديد من اللعبة ولا لأ، كما أنني أواصل تصوير فيلم فاصل من اللحظات اللذيذة، وأدرس مع شيكو تقديم فيلم جديد، كما أنني أتمنى في المستقبل، تقديم فيلم سوبر هيرو عن بطل كوميدي.
