كشفت عن رأيها في عودة للفن مرة أخرى، بعد اعتزالها خلال الفترة الماضية، بالإضافة لموقفها من الزواج، والعديد من الأمور الأخرى خلال لقائها مع قناة رؤيا مصر.
وقالت نرمين : مقفلتش باب الزواج، وكلنا جوانا الأمومة، ولكن الموضوع متوقف على ابن الحلال اللي يخلي أي سيدة تُقدم على هذه الخطوة، خاصة إن أي سيدة عاملة وناجحة، تعيش كراجل وست في نفس الوقت، فبتكون عايزة راجل قوي تتسند عليه، وتخلع معه رداء الرجولة.
وتابعت : بيجيلي عرسان لحد دلوقتي، والموضوع كله رزق من عند ربنا ومسيره ييجي، وضروري يكون إنسان متعلم وابن أصول ومتدين ومن عائلة جيدة ويحافظ عليّ وليس سليط اللسان ومش متدلع.
أما عن حلا شيحة قالت : أنا عن نفسي بحب حلا جدًا، ترجع تمثل أو تعتزل أو تقعد في البيت وتتحجب هي حرة، لأنها على الصعيد الإنساني إنسانة لطيفة وحبوبة وجميلة ومتصالحة مع نفسها، وأضافت : الفن موهبة من عند ربنا سبحانه وتعالى، مش من حق أي حد يمنعها أو يخمدها، وده قرارها ودي حياتها وتعمل اللي هي عاوزاه طالما معملتش حاجة مخلة بالشرف أو بالأمانة.
