لما تكون مدير أو رئيس مؤسسة محتاج ناس تطبل لك على أي حاجة تعملها.. أتأكد وقتها إنك مدير فاشل ومعملتش أي انجاز في شغلك وبتدور على أي حاجة تضخم شغلك واللي حواليك يقولولك الله عليك يا اوستااااذ.هل السيسي محتاج الكلام ده؟
السيسي عمل أكتر من الكلام.. عمل انجازات أبلغ من أي كلام المقال مش لسرد انجازات كلنا شوفناها بصفة شخصية زي علاج فيروس سي أو معاش تكافل وكرامة وغيره من الخدمات اللي وصلت للناس بشكل شخصي يعنى خدمة مباشرة.. أو خدمات عامة زى الطرق والكباري والمترو والمدن الجديدة والقضاء على المناطق الغير امنة والعشوائية وغيره وغيره كتير جدا وزي ما المثل بيقول “اللي ميشوفش من الغربال يبقى أعمى”.السيسي مش محتاج تطبيل شغله بيعزف سيمفونية متكاملة باوركتسرا محترف.السيسي محتاج مننا نشتغل.. محتاج نعزف معاه على نفس اللحن.
الراجل ده لو عاوز تطبيل كان سجل اسمه على كل الانجازات اللي حصلت في عهده وده حقه على فكرة.. زي ما كنا بنشوف قبل كده بحيرة ناصر ،ومعاش السادات، واسكان مبارك.
مش مطلوب مننا نطبل خالص، مطلوب مننا فقط نكون شعب حافظ للجميل ونقوله شكراً بأدب.
