وجهت رسالة لإدارة مهرجان القاهرة السينمائي فى دورته الـ 45 وذلك عبر صفحتها على تويتر، تطالب بتكريم قائلة : سؤال .. السادة القائمين علي مهرجان القاهرة العريق ألم يأت الوقت لتكريم الأستاذة العظيمة عبلة كامل، وحتي لو مش عاوزة تظهر إحنا ممتنين لمشوار عظيم، وموهبة كبيرة مفيش منها اتنين، أرجو قبول سؤالي وتكريم الأسطورة العظيمة صاحبة الألف وجه وكل المشاعر ربنا يطول ف عمرها.
سوال .. الساده القائمين علي مهرجان القاهره العريق الم ياتي الوقت لتكريم الاستاذه العظيمه عبله كامل و حتي لو مش عاوزه تظهر احنا ممتنين لمشوار عظيم و موهبه كبيره مفيش منها اتنين اروجو قبول سوالي و تكريم الاسطوره العظيمه صاحبه الالف وجه و و كل المشاعر ❤️ ربنا يطول ف عمرها ❤️🤲
— Menna Shalaby (@Menna_Shalaby)
وكان أشرف زكي نقيب المهن التمثيلية، كشف عن تفاصيل اعتزال عبلة كامل للفن، وحقيقة إصابتها بسرطان الثدي وعلاجها في أحد المستشفيات.
وقال أشرف زكي خلال لقائه مع الإعلامية أميرة بدر ببرنامجها VIP: أعوذ بالله مافيش الكلام ده، الفنانة الكبيرة عبلة كامل زي الفل، وبتواصل معاها وبنقعد نتكلم ونهزر ونضحك، وهي صديقة عزيزة وعظيمة وبنعتبر نفسنا أكتر من إخوه.
وأضاف : عبلة أخدت قرار أنها تبتعد، تواصلت معها وقت مهرجان الدراما أنا ودكتور يحيى الفخراني، وهي رفضت، ولو تعبانة أكيد كانت قالت لي، وقولت لها ترجع عشان خاطري قالت لي مش حابة.
واستكمل : هي خدت قرار، وهي من زمان عندها قناعات في حياتها من أيام المعهد، مش متحفظة ولا حاجة، هي فترة وممكن ترجع، وليس لدينا ما نخفيه.
