عبر عن سعادته بتكرار التعاون مع أمينة خليل في فيلم وش في وش، والذي يبدأ عرضه اليوم الأربعاء 16 أغسطس الجاري.
وقال ممدوح في لقاء ببرنامج مساء الإمارات، الذي يذاع على قناة الظفرة: بحب أشتغل مع أمينة خليل، وربنا بيوفقنا مع بعض دايمًا وهي مجتهدة وبتاخد بالها جداً من شغلها، وفيلم وش في وش تجربة جديدة عليا، وبحب أشتغل مع المنتج أحمد فهمي، وأنا ومحمد شاهين أصحاب من قبل التمثيل.
وأشار ممدوح أنه يتمنى النجاح لأكرم حسني في فيلم العميل صفر وسوف يذهب لمشاهدة الفيلم، كما أنهم يحضرون في الفترة الحالية لبنك الحظ 2، حيث يواصلون العمل على السيناريو.
وتابع : كلموني بخصوص المشاركة في أولاد رزق 3، ونفسي أشتغل معاهم تاني، وبحب أحمد عز وبينا كيميا، وهو ممثل محترف وبيجتهد في شغله والناس بتحبه.
واستكمل: انتهيت من تصوير شقو خلال الأيام الماضية، وعمرو يوسف من أعز أصدقائي، ودعمني منذ بداياتي في مسلسل ظرف أسود، وبعتبر أحمد أمين من أهم الممثلين في مصر، ومبسوط إننا هنشتغل تاني مع بعض في مسلسل قصة المدينة في رمضان المقبل 2024.
أما عن علاقته بابنته وبالسوشيال ميديا، قال: مش بحب حد ييجي يطلب يتصور معايا وأنا بلعب مع بنتي، لإن ده وقتها، وعايزها تبقى سعيدة ومبسوطة وسوية، ومليش في السوشيال ميديا، وفي ناس متخصصة مسئولة عن صفحاتي.
