بعد عادل إمام: مظاهرة حب مصرية لـ سعاد حسني.. فمن يستهدف رموز الهوية المصرية؟!

متابعة: غرفة الاخبار

هل هي مصادفة الهجوم على رموز مصر الفنية الثقافية، مع اختلاف الطرق والأجواء، اليوم سعاد حسني وأمس القريب عادل إمام، أمس كانوا الظلاميين، واليوم الغيبوبيين، الذين يشككون في كاريزما وجمال السندريلا المصرية.

سعاد حسني، التي تحب أن يطلق عليها لقب “الست الكومل”، أي كاملة الأوصاف، خرجت لها مظاهرة حب وعشق لا بعدها ولا قبلها، مصريين عبروا عن حبهم، لهذه الأسطورة الأيقونية، التي لم تعرف مصر قبلها ولا بعدها.

سعاد حسني، تحولت لتريند، جمعنا منه بعض كلمات الدعم من عشاق سعاد، لها، ومنهم سيدة تقول: لما تمت دعوتها لمهرجان طهران السنيمائي سنة ١٩٧٤، راحت بفستان يعبر عن بلدها وحضارتها وهويتها المصرية، اللي كانت بتعتز بيها وتفخر بيها كل الفخر، في كل لقاءاتها الصحفية والاذاعية والتليفزيونية، كانت بتعشق بلدها مصر ربنا يرحمها.

شايفة واحدة دلوقتي كاتبة كلام مش قادرة أقوله من كتر ماهو تضليل وكلام فارغ .. الهانم بتقول إيه بقى؟ سعاد حسني شكلها  average.

حاسه الكلمة دي بقت لبانة في بوقكم حاسبينها حركة عباقرة، أو فاكرين إن عشان حد يبقى حلو يبقى محتاج يكون عنده ٤ عيون يا إما هو.

وقال آخر: معلش ياجماعة. عشان منخرفش في الكلام..بلاش سعاد حسني، خالص، ولا ممثلة تطلع تقول أصلي شبه سعاد، ولا تطلع لنا فنانة لوزعية تقول أصل سعاد مش جميلة.

باختصار. سعاد. عندها روح تتجسد على ملامحها، سعاد هي المصريات كلهن.

وقالت أخرى، سعاد حسني جمالها كلاسيكي و برئ و جذاب و مثير في نفس الوقت معرفش إزاي، بصراحة التركيبة دي من الجمال ملقتهاش غير فيها هي و مونيكا بلوتشي بس جمالها timeless اي حد هيشوفه في اي زمن هيشاور عليهم و يقول بصوا الستات دول جمال إزاي.

وأشار عدت أكونتات لهذا الموقف الذي نسب للفنانة زبيدة ثروت، حيث قالت مرة في برنامج أن سعاد حسني جمالها مش فظيع بس كان فيها ميزة ألا و هي إن كل الناس بتحبها.. انتو تحبوا تبقوا أصحاب الجمال الفظيع؟ ولا اللي أي حد يشوفه يحبه؟

وقالت عاشقة أخرى: سعاد حسني كانت ولاتزال أيقونة الجمال الخالدة التي لن نرى مثلها أبدا، سعاد حسني ملكة جمال لن ترى أعيننا في دنيانا ملامحها على أحد أبدا، سعاد حسني من علامات القبول بإذن الله أنه كل فترة تلقاها طالعة “تريند” والناس بتترحم عليه.. نسأل الله تعالى أن يرحم سعاد حسني وسائر موتانا.

وقال آخر: لا بوتوكس ولا فيلر جمال طبيعي..

جميلة جميلات العرب

وقالت أخرى : الضجة مش معمولة على شكلها، فيه ستات كتير جمالهم فوق الوصف بس دمهم تقيل، سعاد حسني الله يرحمها كانت جميلة شكلا وروحا وقادرة تخليك تبتسم تلقائي اول ماتشوفها بس وتضحك كمان، اي راجل محتاج وحدة زي سعاد حسني في حياته والحياة هتبقى جميلة.