اسرائيل خايفة تدخل رفح، لأنها عارفة ان ده ممكن يفلت زمام الأمور بينها وبين مصر.
أمريكا والعالم كله بيحذرها من رفح لان كله خايف من استفزاز الجيوش المصرية وخايفين من السيسي اللي ماقدروش يتوقعوا خطواته واجراءاته طوال ١٠ سنين.
يعني لما كانوا يتوقعوا انه هيضرب اثيوبيا ما ضربهاش.. ولما كانوا بيتوقعوا يسكت على ليبيا ما سكتش.
لذلك العالم كله قلقان ومش عارف رد فعل السيسي هيكون ايه لو إسرائيل قربت منه في رفح.
القيادات العسكرية العاقلة في الجيش الإسرائيلي رافضة فكرة دخول رفح بسبب مصر.
طيب هل مصر حاطة أصلا في دماغها انها تحارب؟
لا
بس لو إسرائيل دخلت رفح هيبقى في اجراءات عسكرية مصرية بالإضافة إلى تجميد اتفاقية السلام.
الشعب الإسرائيلي مش هيتحمل تجميد اتفاقية السلام من جانب مصر وهيعيش أيام سودة وهيبقى متوقع ضربات مصرية في أي لحظة وهيقلبوا إسرائيل فوق دماغ نتنياهو.
طيب برضو مصر هتعمل ايه لو إسرائيل دخلت رفح؟
هتحرك القوة الضاربة لجيوشها وتضعها وجها لوجه أمام الجيش الإسرائيلي وهتقول للعالم كله القوي فيكم يوريني نفسه ويشد الفتيل.
العالم كله ساعتها هيقف على رجل وإسرائيل هتتراجع.. هتتراجع مش بضغط أمريكي بقى.. لا بالأمر.
لأن أي حاجة غير كده الشرق الأوسط هينهار والعالم كله لن يتحمل فوضى عارمة في الشرق الأوسط هيكون معناها تفكك كل خطوط الضبط والربط اللي مصر عاملاها لحماية أوروبا.
بمعنى ادق.. لن يتحمل العالم أي مواجهة بين مصر وإسرائيل.. ومش هيحصل مواجهة.
انا فقط فندت معاكم السيناريو المتوقع لكن مش هنوصله.
الجميع لا يريد الوصول للسيناريو ده، ونتنياهو هيتشال عافية لو سعى للسيناريو ده وهييجي وراه واحد يلم الدنيا بسرعة.
اطمنوا الجيوش المصرية مرعبة لأي حد وقادرة تماما تحمي البلد دي.
